ဆင်းရဲသောဖေဖေ ချမ်းသာသောဖေဖေ

ကျွန်တော့်တွင် ဆင်းရဲသောဖေဖေနှင့် ချမ်းသာသောဖေဖေဟူ၍ နှစ်ယောက်ရှိပါသည်။ ဆင်းရဲသောဖေဖေမှာ ဘွဲ့ရဖြစ်ပြီး ချမ်းသာသောဖေဖေမှာ ရှစ်တန်းပင်မအောင်သူဖြစ်ပါသည်။

ဖေဖေနှစ်ယောက်စလုံးမှာ ဝင်ငွေကောင်းလှပါသည်။ သို့သော် တစ်ယောက်မှာတော့ ငွေကြေးနဲ့ပတ်သက်ပြီး အမြဲရုန်းကန်နေရပါသည်။ နောက်တစ်ယောက်မှာ ဟာဝိုင်အီတွင် အချမ်းသာဆုံးစာရင်းဝင်တစ်ဦး ဖြစ်လာသည်။

ဖေဖေနှစ်ယောက်စလုံးသည် ပညာရေးတွင် ပြင်းထန်သောယုံကြည်မှုများထားရှိသည်။သို့သော် သူတို့၏ လေ့လာသင်ကြားမှုများသည် လုံးဝမတူညီပါ။ ကျွန်တော်၏ ဖေဖေနှစ်ဦးသည် အခြေအနေတိုင်းတွင် ဆန့်ကျင်ဖက်ရှိကြသည်။

ဖေဖေတစ်ဦး၏စေခိုင်းပုံမှာ
"မင်းစာကိုကြိုးစားသင်၊ အဲဒါမှ ကောင်းတဲ့ ကုမ္ပဏီမှာ အလုပ်ရလိမ့်မယ်"

နောက်ဖေဖေတစ်ဦး၏စေခိုင်းပုံမှာမူ
" မင်းစာကိုကြိုစားသင်။ အဲဒါမှ ကုမ္ပဏီကောင်းကောင်းတစ်ခုကို ဝယ်ယူနိုင်လိမ့်မယ်" ဟူ၍ဖြစ်သည်။

ငွေနှင့်ပတ်သက်၍လည်း သူတို့တွင်မတူညီသော အမြင်ကိုယ်စီရှိကြသည်။

ဥပမာ ဖေဖေတစ်ယောက်က
" ငါမချမ်းသာတဲ့အကြောင်းက မင်းတို့လို သားသမီးတွေရှိနေတဲ့အတွက်ကြောင့်" ဟုပြောလျှင်

နောက်ဖေဖေတစ်ယောက်ကမူ
" ငါချမ်းသ