Laptop Battery သက်တမ်း ဘာကြောင့် ကြာရှည်မခံတော့တာလဲ❓🤔

Laptop Battery သက်တမ်း ဘာကြောင့် ကြာရှည်မခံတော့တာလဲ❓🤔
+++++++++++++++++++++++++++++++++++++++

💻 ဒီနေ့ခေတ်မှာ Desktop Computer ထက် Laptop Computer ကို ပိုပြီး အသုံးပြုလာကြတာကို တွေ့ရပါတယ်။ အကြောင်းကတော့ Desktop ဆိုရင် သယ်ရပြုရမလွယ်ကူတဲ့အပြင် မီးမမှန်တဲ့ ကာလဖြစ်တဲ့အလျောက် အသုံးပြုဖို့ ခက်ခဲကြလို့ဖြစ်ပါတယ်။ Laptop ဆို‌ရင်တော့ သယ်ရပြုရ လွယ်ကူတဲ့အပြင် မီးမလာရင်တောင်မှ ကြိုပြီးအားသွင်းထားရင် အချိန်တစ်ခုထိ အသုံးပြုလို့ ရနေသေးလို့ပဲ ဖြစ်ပါတယ်။ 🤭

💻 Laptop တစ်လုံးရဲ့ Battery က အချိန်ဘယ်လောက်ထိ အသုံးခံလဲ❓
🔋 Laptop အများစုက power plug မတပ်ဘဲသုံးမယ်ဆိုရင် ၃နာရီကနေ ၄နာရီကြား အသုံးခံပါတယ်။ Battery အားအများကြီးသုံးတဲ့ software တွေကို သုံးမယ်ဆိုရင်တော့ ၂ နာရီကနေ ၃ နာရီကြားအထိသာ ခံပါတယ်။

🔋ဆိုတော့ ပြောရမယ်ဆိုရင် Laptop တစ်လုံး ဘယ်လောက်အသုံးခံသလဲ ဆိုတာ အရေးမကြီးပါဘူး။ သူ့ကို သက်တမ်းကြာအောင် ဘယ်လိုထိန်းသိမ်းရမလဲဆိုတာက ပိုပြီးအရေးကြီးပါတယ်။ ဒါကြောင့် ဒီနေ့မှာ Spirit ကနေပြီးတော့ နည်းလမ်းကောင်းလေးတွေကို မျှဝေပေးသွားမှာ ဖြစ်ပါတယ်။

1️⃣ Laptop ကို အပူချိန်လွန်ကဲတဲ့နေရာမျိုးမှာ မထားပါနဲ့။
🔋အဲ့ဒီလိုထားလိုက်ရင် Battery အပူချိန်မြင့်တက်လာပြီးတော့ ပျက်ဆီးနိုင်ခြေ ပိုများပါတယ်။ ဒါကြောင့် 0°C ထပ်နည်းပြီးတော့ 35°C ထပ်များနဲ့နေရာမှာ ထားခြင်းကို ရှောင်ကြဉ်သင့်ပါတယ်။

2️⃣ နူးညံ့တဲ့ မျက်နှာပြင်မျိုးတွေမှာ ထားပြီးမသုံးသင့်ပါ။
🔋နူးညံ့‌တဲ့အရာတွေဆိုတာ ကော်ဇော၊ စောင် ခေါင်းအုံး အစရှိသဖြင့်ကို ပြောတာပါ။ အဲ့ဒီလို ထားပြီးအသုံးပြုတဲ့အခါ laptop ရဲ့ လေဝင်လေထွက်ပေါက်ကို ပိတ်ထားသလို ဖြစ်တဲ့အခါ Battery ပိုပြီးပူလာတတ်ပါတယ်။

3️⃣ အချိန်အကြာကြီးမသုံးဘဲ ပစ်မထားပါနဲ့။
🔋အချိန်အကြာကြီး မသုံးခြင်းကလည်း Laptop Battery ရဲ့ Performance ကို ကျဆင်းစေတာမလို့ အသုံးမပြုဖြစ်ရင်တောင် တစ်နေ့တစ်ခါလောက် အဖွင့်အပိတ် လုပ်ပေးပါ။

4️⃣ USB Port တွေမှာ မလိုတဲ့ ပစ္စည်းတွေကို မတပ်ပါနဲ့။
🔋USB Port တွေမှာ External keyboard, mouse, Memory Stick အစရှိတဲ့ ပစ္စည်းတွေကို တပ်ထားတဲ့အခါ Motherboard ကနေ Power ပေးနေရတာ ဖြစ်ပြီးတော့ Battery ကို အသုံးပြုနေရပါလိမ့်မယ်။

5️⃣ အချိန်ပြည့် အားသွင်းထားတာမျိုးမလုပ်ပါနဲ့။
🔋ကျွန်တော်အပါအဝင် လူတော်တော်များများက Laptop အသုံးပြုပြီဆိုရင် အမြဲတမ်း Power plag ထိုးပြီး သုံးတတ်ကြပါတယ်။ အဲ့ဒီလိုမဟုတ်ဘဲ 100% ပြည့်တာနဲ့ ဖြုတ်ပြီးတော့ 40% လောက်ရောက်သွားမှ ပြန်ပြီးအားသွင်းတာမျိုး လုပ်ပေးပါ။ နောက်တစ်ချက်က အားကို 0% ရောက်အောင်မသုံးသင့်ပါဘူးဗျ။

💻 အပေါ်ကအချက်တွေကို လိုက်နာနိုင်ပြီဆိုရင် ကျွန်တော်တို့ Laptop ရဲ့ Battery သက်တမ်းကို ကြာရှည်စွာ အသုံးပြုနိုင်ပါပြီ။ ဆိုတော့ အပေါ်ကအချက်တွေကို လုပ်ခဲ့ဖူးတယ်ဆိုရင်တောင် ဒီနေ့ကစပြီး မလုပ်ကြဖို့ တိုက်တွန်းလိုက်ပါတယ်။ ကိုယ့်အနေနဲ့ တခြားအချက်တွေကို သိသေးတယ်ဆိုရင်လည်း Comment မှာမျှဝေခဲ့လို့ရပါတယ်ဗျ။

#Spirit
#Spirit_for_you
#Laptop
#Battery