History of CSS

Web စတင်ပေါ်ပေါက်လာချိန်ဖြစ်တဲ့ 1990 ခုနှစ်များအလယ်ပိုင်းမှာ အင်တာနက်ဆိုတာက အဓိကအားဖြင့် စာသားကိုသာအခြေခံပြီး အသွင်အပြင်မရှိသလောက်ပုံစံဖြင့် အသုံးပြုခဲ့ကြပါတယ်။

Web Content များကို တည်ဆောက်ရာတွင် အသုံးပြုတဲ့ HTML က Web Page များပေါ်တွင် ဖော်ပြဖို့တစ်ခုတည်းကိုသာ လုပ်ဆောင်နိုင်တာဖြစ်လို့ နောက်ပိုင်းတွင် Website များကို ပြန်လည်ပြင်ဆင်ရန်နှင့် Update ပြုလုပ်ဖို့လိုအပ်လာတာကြောင့် အခက်အခဲတွေ စတင်ဖြစ်ပေါ်လာပါတယ်။

ဒီကန့်သတ်ချက်များကို ဖြေရှင်းဖို့၊ Håkon Wium Lie နှင့် Bert Bos လိုမျိုး Web ရှေ့ဆောင်များက Cascading Style Sheets ရဲ့ သဘောတရားကို 1994 ခုနှစ်တွင် အဆိုပြုတင်သွင်းခဲ့ကြပါတယ်။ "Cascading" ဆိုတဲ့ အသုံးအနှုန်းက CSS Rule များရဲ့ Hierarchical သဘောကို ရည်ညွှန်းပြီး Style Rule အများအပြားကို တူညီတဲ့ HTML Element တွင် အသုံးချနိုင်ပြီး တိကျတဲ့ Rule အများစုကို ဦးစားပေးထားပါတယ်။ ဒီလိုကနေ CSS က ထူးခြားတဲ့နည်းပညာတစ်ခုအဖြစ် ပေါ်ပေါက်လာခဲ့ပါတယ်။

ပထမဆုံး CSS1 ကို 1996 ခုနှစ် ဒီဇင်ဘာလတွင် စတင်ဖြန့်ချီခဲ့ပါတယ်။ CSS1 မှာဆိုရင် Developer များကို Font များ၊ အရောင်များနှင့် HTML Element များအတွက် အကွာအဝေးကို သတ်မှတ်နိုင်စေတဲ့ အခြေခံပုံစံများကို မိတ်ဆက်ပေးခဲ့ပါတယ်။ CSS1 ဟာဆိုရင် သိသိသာသာ တိုးတက်လာသော်လည်း၊ ခေတ်မီ CSS နှင့် ယှဉ်မယ်ဆိုရင် အကန့်အသတ်တချို့တွေ ပါရှိတာကြောင့် CSS1 ကို အခြေခံပုံစံရေးဆွဲခြင်းအတွက်သာ အသုံးပြုကြပါတယ်။

ဆက်လက်ပြီး 1998 ခုနှစ်တွင် မိတ်ဆက်ခဲ့တဲ့ CSS2 ဟာဆိုရင် သိသာထင်ရှားတဲ့ အဆင့်မြှင့်တင်မှုများကို ယူဆောင်လာခဲ့ပါတယ်။ CSS2 က စာသားများကို အတိအကျနေရာချခြင်း၊ Float-based Layouts နှင့် မီဒီယာများအတွက် ပံ့ပိုးမှုများ (ဥပမာ- Screen, Print) လိုမျိုး Feature များကို မိတ်ဆက်ပေးခဲ့ပါတယ်။ ဒီလိုမျိုး Feature အသစ်တွေကြောင့် Web Designer များက Website Page ရဲ့ အပြင်အဆင်နှင့် တင်ဆက်ပြသမှုပေါ်မှာ ပိုမိုဖန်တီးနိုင်ခဲ့ကြပါတယ်။ ဒါ့အပြင် CSS2 က Pseudo-classes နှင့် Pseudo-elements များကို မိတ်ဆက်ခဲ့ပြီး၊ ပိုမိုအသေးစိတ်တဲ့ Element များ ရွေးချယ်မှုကို ပြုလုပ်နိုင်ခဲ့ပါတယ်။

1990 ခုနှစ်နှောင်းပိုင်းနှင့် 2000 ခုနှစ်အစောပိုင်းများအတွင်းတွင် Internet Explorer နှင့် Netscape Navigator အကြား "Browser War" က CSS ရဲ့ ပံ့ပိုးမှုအပေါ် ကွဲလွဲမှုများဖြစ်ပေါ်စေခဲ့ပါတယ်။
Web Developer များက သူတို့ရဲ့ Website များကို မတူညီတဲ့ ပလက်ဖောင်းတွေပေါ်မှာ တစ်သမတ်တည်းကြည့်ရှုနိုင်စေဖို့အတွက် Browser သတ်မှတ်ချက်ဖြစ်တဲ့ CSS စည်းမျဥ်းများကို ဆန့်ကျင်ရမှာဖြစ်ပါတယ်။ ဒီချိန်ကာလများဟာဆိုရင် Web Development နယ်ပယ်မှာ စိတ်ဓာတ်ကျစရာများနှင့် ရှုပ်ထွေးမှုများကြောင့် အထင်ကရဖြစ်စေခဲ့ပါတယ်။

"Browser War" မှ ဖြစ်ပေါ်လာတဲ့ ပြဿနာများကို ဖြေရှင်းနိုင်ဖို့ CSS Working Group က CSS3 ကို 2005 ခုနှစ်တွင် ဖြန့်ချီခဲ့ပါတယ်။ CSS3 မှာဆိုရင် Monolithic သတ်မှတ်ချက်တစ်ခုအစား၊ တစ်ဦးချင်းစီအလိုက် Modules များအဖြစ် ပိုင်းခြားပေးထားပြီး Module တစ်ခုစီက Web ပုံစံရဲ့ သီးခြားရှုထောင့်တစ်ခုစီကို လုပ်ဆောင်ပေးထားပါတယ်။ CSS3 တွင် Media Queries, Transitions and Animations, Custom Fonts, Flexbox and Grid Layout, နှင့် Selectors Level 3 စတဲ့ Feature အသစ်များကို ယူဆောင်လာခဲ့ပါတယ်။ ယခုချိန်ထိတိုင် CSS3 ကိုပဲ Feature အသစ်များဖြင့် Update ပြုလုပ်ပြီး အသုံးပြုနေကြတာဖြစ်ပါတယ်။