SarPhat Author
ခေါင်းဆောင်ကောင်းတစ်ယောက်ဆိုတာ လူတိုင်းအတွက် အတုယူဖွယ် စံပြပုဂ္ဂိုလ်တစ်ယောက်ဖြစ်ပါတယ်။ သင်ဟာ ခေါင်းဆောင်ကောင်းတစ်ယောက်ဖြစ်ချင်တယ်ဆိုရင်တော့ အောက်ဖော်ပြပါ အချက်တွေရှိကို ရှိရပါမယ်။
၁။ အလုပ်အပေါ် တာဝန်ကျေမှု
သင်ဟာ ခေါင်းဆောင်ဖြစ်တဲ့အတွက် သင့်အဖွဲ့ဝင်တွေရဲ့ အလုပ်အပေါ် သဘောထားဟာ သင့်ပေါ်မူတည်ပြီး ပြောင်းလဲမှာပဲ ဖြစ်ပါတယ်။ သင်ဟာ အလုပ်အပေါ် စိတ်နှစ်နိုင်မှု တာဝန်ယူနိုင်မှု ကြိုးစားမှုတို့ကို ရှေ့ကလုပ်ပြမှာသာ သင့်ရဲ့လက်အောက်ငယ်သားတွေက သင့်အတိုင်း ကြိုးစားကြမှာပဲ ဖြစ်ပါတယ်။
၂။စီမံခန့်ခွဲနိုင်မှု
သင်ဟာ ခေါင်းဆောင်ဖြစ်နေပြီဖြစ်တဲ့အတွက် သင့်ရဲ့ တာဝန်က စီမံခန့်ခွဲမှုပဲ ဖြစ်ပါတယ်။ သင်ဟာ သင့်ရဲ့ အဖွဲ့ဝင်တွေကို တာဝန်ခန့်ခွဲပေးနိုင်ရမှာပဲ ဖြစ်ပါတယ်။ ဥပမာ : သင်ဟာ စားသောက်ဆိုင် ဖွင့်ထားတာပဲ ထားပါတော့။ ဒါဆို သင့်တာဝန်က ဘာဖြစ်မလဲ။ ဆိုင်အတွက် လိုအပ်တဲ့ အသေးအမွှား ဟင်းသီးဟင်းရွက်တွေ ဝယ်နေမှာလား။ ဒါမှမဟုတ် အရွက်တွေ ဝယ်ဖို့ကို အလုပ်သမားတစ်ယောက်ကို တာဝန်ထားပြီး သင်ကလုပ်ငန်းပြီးပြည့်စုံဖို့ အရေးကြီးတဲ့ လိုအပ်နေတဲ့ အစိတ်အပိုင်းတွေကို လိုက်ဖြည့်မလား။
၃။ကောင်းမွန်စွာ စကားပြောနိုင်မှု
သင်ဟာ ခေါင်းဆောင်ဖြစ်တဲ့အတွက် သင့်ရဲ့ညွှန်ကြားမှုတွေကို လက်အောက်ငယ်သားတွေ လိုက်နာကြဖို့ဆို ကောင်းမွန်စွာပြောကြားတတ်ဖို့ လိုပါတယ်။ စကားကြမ်းကြမ်းတမ်းတမ်းတွေကို ဘယ်သူမှ နှစ်သက်မှာ မဟုတ်ပါဘူး။ သင်က ချိုချိုသာသာ ပြောမှသာ သင့်ရဲ့ members တွေက လိုက်နာချင်မှာပဲ ဖြစ်ပါတယ်။ ဒါ့အပြင် ချီးကျူးတတ်ဖို့ ကျေးဇူးတင်စကားပြောတတ်ဖို့လည်း လိုပါတယ်။ အင်္ဂလိပ်လိုဆိုရင် appreciate လုပ်တယ်လို့ ပြောပါတယ်။ သင်လည်း သင်လုပ်နိုင်တဲ့ တာဝန်တစ်ခုကို သင့်အထက်လူကြီးဆီက ချီးကျူးခံချင်သလို သူတို့လည်းသင့်ဆီက ချီးကျူးစကားကို ကြားချင်ကြပါတယ်။
Keep Reading