တစ်ခုခုလုပ်တိုင်း တစ်ခုခုရအောင်ယူ

ကျွန်မရဲ့ အားလပ်ချိန်အချို့ကို ကာတွန်းတွေကိုကြည့်ရင်း ကုန်ဆုံးပါတယ်။ ကျွန်မကြည့်ဖြစ်တဲ့ကာတွန်းတွေက WOA - Myanmar Fairy Tales ကထုတ်လွင့်တဲ့ ကာတွန်းတွေအများဆုံးပဲဖြစ်ပါတယ်။ သူရဲ့ကာတွန်းတွေက မြန်မာလိုအသံသွင်းပြီး ပြန်လည်ထုတ်လွှင့်တဲ့ ကာတွန်းတိုလေးတွေပါ။ ကျွန်မရဲ့ ဝါသနာတွေထဲမှာ အသံသရုပ်ဆောင်ရတာလည်း တစ်ခုအပါအဝင်ဖြစ်ပါတယ်။ ကျွန်မအဲ့ကာတွန်းတွေကြည့်ပြီးတော့ အသံနေအသံထားတွေလေ့လာပြီး အတန်းက project တွေ ဇာတ်လမ်းတွေလုပ်တဲ့အခါ အသံကိုသေချာလေး ပီပြင်အောင် သဘာဝကျအောင်သွင်းပါတယ်။

ကဲပါ လိုရင်းလေးကိုသွားကြရအောင်

ကာတွန်းကားတွေကြည့်ရင်း နောက်ပိုင်း သတိထားမိလာတာလေးတစ်ခုရှိပါတယ်။ သူကအပျင်းပြေ စိတ်ဝင်စားဖို့တစ်ခုထဲမဟုတ်ဘဲ လူ့သဘာဝတွေ အတုယူစရာတွေအများကြီးပါတာကိုပါပဲ။ ဒီထဲကမှ အနည်းငယ်ကိုဖော်ပြချင်ပါတယ်။

ကျွန်မတို့ရဲ့ ပတ်ဝန်းကျင်မှာ လူတွေက အခြားသူတွေနဲ့မတူ တမူထူခြားတဲ့လူတွေကိုဆိုရင် မြေတောင်မြှောက်ပေးတာ ရှားပါတယ်။ ဒါ့အပြင် ဟိုးးအောက်ဆုံးထိ ဆွဲချတတ်ပါသေးတယ်။အဲဒီထူးခြားတဲ့လူက သူ့တို့တွက် အကျိုးရှိတာတစ်ခုခုမလုပ်ပေးမခြင်း သူ့ဘာသာသူ လေပေါ်ပဲပျံနိုင်ပါစေဦး အလကားအချည်းနှီးပါပဲ။ တကယ်လို့ အဲ့ဒီလူက အောင်မြင်တာတစ်ခုခုဖြစ်ဖြစ် သူတိုတွက် အကျိုးရှိတာတစ်ခုခုကိုသာလုပ်ပေးလိုက်ရင်တော့ မဟော်သဓာရဲ့ သာလေးများလားအောက်မေ့ရတယ်ဆိုပြီး ချီးမွမ်းခန်း ကျေးဇူးတင်ခန်းတွေဖွင့်ပါတော့မယ်။

ကျွန်မတို့တွေအနေနဲ့ လူတွေကိုဘယ်လောက်ပဲကူညီနေခဲ့ပါစေ တကြိမ်လောက်မကူညီလိုက်ရင်တော့ ကူညီခဲ့စဉ်ကကျေးဇူးတင်စကားမကြားခဲ့ရပေမယ့် မကူညီရင်တော့ အတင်းစကားကိုကြားရပါလိမ့်မယ်။ သူပေါ့ ငါ ဒါလေးအကူညီတောင်းတာကို ကူည