ငွေရှာရခက်လေ အသုံးအစွဲစည်းကမ်းရှိဖို့ပိုလိုလေပဲ

ငွေကြေးနဲ့ပတ်သက်ရင် အများစုက ရှာတာကိုပဲ အာရုံစိုက်ကြပြီး သုံးစွဲတဲ့အပိုင်းကို သိပ်မစဉ်စားဖြစ်ကြဘူး။ နေ့စဉ်လူနေမှုဘ၀အတွက် ငွေကြေးသုံးစွဲတဲ့အခါ ချွေတာဖို့မဟုတ်ပေမဲ့ Self-discipline ဆိုတဲ့ ကိုယ်ပိုင်စည်းကမ်းရှိဖို့ကလည်း အရေးကြီးတယ်။ စည်းကမ်းနဲ့သုံးတယ်ဆိုတာ ဘယ်လိုမျိုးလဲ …။

ကိုယ်က ရှောပင်စင်တာတစ်ခုကိုသွားတယ်ဆိုပါတော့။ သွားတုန်းကတော့ ပွဲတစ်ပွဲသွားဖို့ အဝတ်အစားတစ်စုံသွားဝယ်တာပဲ။ ဒါပေမဲ့ စင်တာထဲပတ်ပြီး ငွေရှင်းကောင်တာဆီလည်းသွားရော ကိုယ့်စျေးခြင်းက ဝယ်ဖို့မစဉ်းစားထားတဲ့ ပစ္စည်းအစုံနဲ့ပြည့်လျှံနေတာမျိုးဖြစ်သွားတတ်တယ်။ တစ်ခါတလေ ကိုယ်ဝယ်မယ်လို့ စဉ်းစားထာတာမျိုးတောင် ပါချင်မှပါလာတာ။

အဓိကကတော့ ကိုယ့်ရဲ့ Spending Habit နဲ့လည်းဆိုင်တယ်။ တချို့ကျတော့ ဒါဝယ်မယ်စဉ်းစားထားရင် ဒါပဲဝယ်ပြီးပြန်တယ်။ တချို့ကျတော့ ဝယ်မယ်လို့မစဉ်းစားတာတွေလည်း လိုလိုမလိုလို လျှောက်ဝယ်တဲ့အလေ့အကျင့်ရှိကြတယ်။

ဒီနေ့ခေတ် Credit Card တွေ၊ Online Payment System တွေတွင်ကျယ်လာချိန်မှာ ပိုချင့်ချိန်တတ်ဖို့လိုလာတယ်။ ပစ္စည်းအစုံကို ဖုန်းကနေ ကလစ်တစ်ချက်နှိပ်ရုံနဲ့ ဝယ်လို့ရနေတဲ့အခ