Qualitative Research ကို အရိုးရှင်းဆုံး နားလည်ကြည့်မယ်

Qualitative Research ကို အဓိကအားဖြင့် တစ်စုံတစ်ဦးရဲ့ အိုင်ဒီယာ၊ အတွေးအမြင်၊ အတွေ့အကြုံကို နက်နက်ရှိုင်းရှိုင်းဖော်ထုတ်ချင်တဲ့အခါမှာ အသုံးပြုပါတယ်။

Qualitative Research ဟာ ကိန်းဂဏန်းတွေအစား ရှာဖွေတွေ့ရှိမှုတွေကို စကားလုံးတွေ၊ ရုပ်ပုံတွေနဲ့ သရုပ်ဖော်ပြလေ့ရှိပါတယ်။ ဥပမာပြောရရင် မေးတဲ့ မေးခွန်းပုံစံမျိုးဟာ “ချောကလက်ရေခဲမုန့်ကိုဘာကြောင့် ကြိုက်နှစ်သက်တာလဲ” ဆိုပြီး သူတို့ရဲ့ ခံစားချက်၊ အတွေးအမြင်ကို ဖော်ထုတ် မေးမြန်းတဲ့ ပုံစံ ဖြစ်ပါတယ်။

ဒီ Qualitative Research ကို ဘယ်အချိန်တွေမှာ အသုံးပြုနိုင်သလဲဆိုရင် လူတွေရဲ့ တွေးခေါ်မှုတွေ၊ အပြုအမူတွေကို သိရှိနားလည်လိုတဲ့အခါမှာ အဓိက အသုံးပြုပါတယ်။ Qualitative Research ဟာ လူနည်းနည်းနဲ့ ရှုပ်ထွေးတဲ့ အကြောင်းအရာတစ်ခုကို မေးမြန်းတာမျိုး သို့မဟုတ် အတွေ့အကြုံတွေကို နှိုက်နှိုက်ချွတ်ချွတ်မေးတာမျိုးမှာ အလွန်အသုံးဝင်ပါတယ်။

Examples - Focus Group Discussion (FGDs), In-depth Interviews(IDIs), Case studies, Observations