💗သတိရတိုင်း💗

မင်းသတိရတိုင်း
စိတ်ကူးနဲ့သာ
လှမ်းမျှော်ကြည့်ပါ
မင်းဖြတ်လျှောက်သွားတဲ့
တောင်တန်းပြာပြာတွေနဲ့အတူ
ငါရှင်သန်နေဆဲပါ ချစ်သောရေ။

မင်းသတိရတိုင်း
စိတ်ကူးနဲ့သာ
မော်လို့ကြည့်ပါ
ဟိုး...ကောင်းကင်ထက်မှာ
တိမ်တွေနဲ့အတူ ငါ့အပြုံးတွေက
မဆုတ်ယုတ်ပဲ တည်ရှိမြဲပါ ချစ်သောရေ။

မင်းသတိရတိုင်း
စိတ်ကူးနဲ့သာ
ပြုံးလို့ပြပါ
လသာဆောင်မှာလေညှင်းခံတိုင်း
ငါ့စိတ်ကူးတွေမှာ ကြည်နူးစရာအဖြစ်
အတွေးနယ်ချဲ့မိတတ်သူမို့ပါ ချစ်သောရေ။

မင်းသတိရတိုင်း
စိတ်ကူးနဲ့သာ
လွမ်းလို့နေပါ
အခြေနေမတူတဲ့ ကမ္ဘာတခြမ်းမှာ
မင်းကိုသတိရခြင်းတွေနဲ့အတူ
ငါအ‌ကောင်းဆုံး နေထိုင်‌နေလျှက်ပါ ချစ် ‌သောရေ။

#May Me
8-2-2024
Holiday

မနှစ်က ရေးခဲ့ဖူးသော ကဗျာလေးပါ။ တချို့ကိုပြန်ဖတ်မိတဲ့အခါ စိတ်မှာတန်ဖိုးထားရတဲ့အရာက အမြတ်တနိုးနဲ့မို့ရယ်ပါ။