𝙅𝙤𝙝𝙣 𝙎𝙩𝙚𝙞𝙣𝙗𝙚𝙘𝙠 𝘾𝙤𝙡𝙡𝙚𝙘𝙩𝙞𝙤𝙣 📚

ဝတ္ထုနှင့် ပြဇာတ်ကြား ပေါင်းကူးတံတားဆောက်ပေးသူ၊ရိုးရာစာပေဟန်မှ ချိုးဖောက်သူ John Steinbeck စာပေ အကြောင်းလေးပြောပါရစေ။

ဂျွန်စတိန်းဘတ်(John Steinbeck)စာအုပ်များက အားနည်းသူများ၏ အသံ ဖြစ်ပြီး၊ လူ့အဖွဲ့အစည်း၏ ကြမ်းတမ်းမှုများကို မြင်သာစွာ ဖော်ထုတ်ပြသခြင်းလို့ သတ်မှတ်လို့ရတယ်။ သူ၏ စာရေးဟန်က ရိုးရှင်းပြီး လွယ်ကူစွာနားလည်နိုင်တဲ့အတွက် စာဖတ်ပရိသတ်ကိုအမျိုးမျိုးကို ဆွဲဆောင်နိုင်တယ်။စာပေ စွမ်းအားကို အပြည့်အဝ အသုံးချကာလူသားတို့ စိတ်ခံစားမှုနှင့် ဆက်စပ်ပြီး စာဖတ်သူကို အတွေးနက်ရှိုင်းစွာ နှစ်မြုပ်စေနိုင်တယ်။

ဂျွန်စတိန်းဘတ်၏ ဝတ္ထုများတွင် သာမန်လူတန်းစားများ၊ အထူးသဖြင့် ကျေးလက်နေလူများ၏ ကြုံတွေ့ နေရတဲ့အခက်အခဲများ၊ဘဝများကိုသာ သရုပ်ဖော်လေ့ရှိတယ်။ဂျွန်စတိန်းဘတ် စာပေဟန်ဆိုတာ သရုပ်မှန်ဝါဒ (realism)၊ သဘာဝအခြေပြုဝါဒ(naturalism)၊ လူမှုရေးအသိ (social consciousness) နှင့် ကဗျာဆန်တဲ့ ဘာသာစကား (poetic language) တို့ဖြင့် ထင်ဟပ်စေတယ်။လက်တွေ့ဘဝကို ရိုးရှင်းစွာ သရုပ်ဖော်ထားပြီး တစ်ချိန်တည်းမှာပင် စိတ်လှုပ်ရှားဖွယ် ဖော်ပြချက်များ၊ ကဗျာဆန်တဲ့ ဝါကျဖွဲ့စည်းမှုများနှင့် သင်္ကေတပြည့်ဝတဲ့ စိတ်ကူးယဉ်မြင်ကွင်းများ ဖြင့် စာဖတ်သူ၏ စိတ်နှလုံးကို အားပြင်းစွာ ထိတွေ့စေမိတယ်။ ခေတ်ကာလ လူမှုရေးနှင့် စီးပွားရေး ပြဿနာများကို အလေးပေးခြင်းဆိုတဲ့ အချက်များလည်း ပါဝင်တယ်။စာအုပ်များတွင် လူသားတို့ အိပ်မက်၊ စိတ်ကူးယဉ်မှုနှင့် လက်တွေ့ဘဝကြား ကွာဟချက်များ၊ ကျေးလက်နေလူတန်းစားများ၏ ဘဝဇာတ်ကြောင်းမှတစ်ဆင့် ရှင်းလင်းစွာ ဖော်ပြထားလေ့ရှိတယ်။

ဒေါသမာန်(The Grapes of Wrath) ဆိုတဲ့ဝတ္ထုကိုကြည့် ကြည့်ပါ၊ စီးပွားရေးကျဆင်းမှုကာလ (Great Depression) အတွင်း လယ်သမားများ၏ ဒုက္ခကို စာနာစွာ ရေးဖွဲ့ထားတယ်။အိုကလာဟိုးမား လယ်သမားများ၏ ရွှေ့ပြောင်းအလုပ်သမားဘဝကို အဓိက အခြေပြုထားတယ်။ကျူးကျော်စိုက်ပျိုးရေး စနစ် (agribusiness) နှင့် အရင်းရှင်စနစ် တို့က ဖန်တီးခဲ့တဲ့ အလုပ်သမားများ၏ ဘဝပျက်စီးမှု ဘယ်လောက်ဆိုးဝါးသွားသလဲဆိုတာ ရေးပြထားတယ်။သတင်းစာဆန်ဆန် မှတ်တမ်းရုပ်ပုံစံ (documentary style) ကိုအသုံးပြုထားတယ်လို့ မြင်တယ်။ သရုပ်ဖော်မှုများတွင်တော့ စစ်မှန်မှုနှင့် တိကျမှု မြင်စေရန် အားထုတ်တယ်။လူတန်းစာတစ်စု ၏ စိတ်ပိုင်းဆိုင်ရာ ခြောက်သွေ့မှုနှင့် နှိုင်းယှဉ်ဖော်ပြခြင်းသာဖြစ်တယ်။အရင်းရှင်များနဲ့ အရင်းရှင် ဘက်တော်သားများက လုပ်ကြံရေးထားတဲ့စာအုပ်အဖြစ် စွပ်စွဲကြတယ်။အရင်းရှင်ဘူဇွာ‌ရဲ့မျက်မုန်းကျိုးမှု၊သွားပုတ်လေလွင့်ပြောဆိုမှုတွေက စာရေးသူကို ဖက်ဆစ်ဝါဒသမားတစ်ယောက်လို့ ထင်ယောင်ထင်မှားဖြစ်အောင် ပြစ်တင်ဝေဖန်ခဲ့ကြတယ်။ တကယ်တော့ ဒီဝတ္ထုက ဆင်းရဲဒုက္ခနှင့် ရင်ဆိုင်နေရသူတွေရဲ့ဘဝကို ပီပြင်အောင် ရေးဖွဲ့နိုင်စွမ်းရှိရုံမျှမက စာဖတ်နေသူများကိုလည်း စာနာတတ်အောင် ရေးဖွဲ့ထားတဲ့ ဂန္တဝင်ဝတ္ထုကြီးတစ်ပုဒ်အဖြစ် မှတ်တမ်းတင်ထားဆဲပင်ဖြစ်တယ်။

တို့ဘဝတို့ကမ္ဘာ ( Tortilla Flat )စာအုပ်တွင် ဇာတ်ကောင် စရိုက်ကို အဓိက ဖော်ပြထားတဲ့ "စရိုက်ဖော်ဝတ္ထု " ဖြစ်တယ်။သာမန်လူတန်းစား၊ ဆင်းရဲသားများ၏ ဘဝအတွင်းက လှပမှုနှင့် လူ့ဂုဏ်သိက္ခာကို စာဖြင့် မြှင့်တင်ရေးသားထားတယ်။ကယ်လီဖိုးနီယားပြည်နယ်ရှိ ပင်လယ်ကမ်းခြေ မြို့ဟောင်းလေးတစ်မြို့ဖြစ်တဲ့ 'မွန်ထရေးမြို့' မှာ ဇာတ်အိမ်တည်တယ်။စစ်ပွဲမှပြန်လာတဲ့ ` ဒင်နီ ´တစ်ယောက် သူ့အဘိုးဆုံးတော့ 'တော်တီလာဖလက်' ရပ်ကွက်ထဲမှာ သူငယ်ချင်းတွေနဲ့ ဘယ်လိုနေထိုင်လဲဆိုတာကို ပေါ့ပေါ့ပါးပါး လေးပုံဖော်ပြထားတယ်။ဒီဝတ္ထုထဲမှာ အဖြူ အမဲ မိန်းမတွေ စရိုက်နှင့် ငွေမျက်နှာ ၊ ဒုစရိုက်မှုတွေမှ ရလာတဲ့ သင်ခန်းစာကြောင့် အကောင်းဘက် ပြောင်းသွားကြပုံ နှင့် 'စိန့်အင်ဒရူး' ပွဲတော်အကြောင်း တို့စုံလင်လှအောင် ပါဝင်တယ်။စိတ်ဝင်စားစရာ၊ တွေးစရာ အကြောင်းအရာတွေ။ဇာတ်ကောင်အသားပေး ဇာတ်လမ်း ၊ ဇာတ်ကွက် မယ်မယ်ရရမပါတဲ့ ပြောင်မြောက်တဲ့ ဝတ္ထုလေးလို့ ဆိုနိုင်တယ်၊ဇာတ်ကောင်များက ကလေးဆိုးများနှင့်တူတယ်။ " လူဆိုး ၊ လူပေ ၊ လူတေ " လေးတွေကို မမုန်းနိုင် ၊ ချစ်ခင်ရင်းနှီးစိတ် ၊ ကရုဏာစိတ် လေးတွေ ပေါ်ပေါက်လာမှာ အသေချာပဲ။သူငယ်ချင်းဘဝမွေ့လျော်ဖွယ်အလှ၊ရိုးရှင်းသောအရာများ၏ အတွင်းကျတဲ့ အလှတရားနှင့် ကောင်းမြတ်မှု ကို လူတို့က မကြည့်မြင်နိုင်ခြင်း၊ အလေးမထားမိခြင်းပင် ဖြစ်ကြောင်းကိုပြောချင်ပုံရတယ်။

ကောင်းကင်စားကျက် (The Pastures of Heaven)စာအုပ်တွင် California ပြည်နယ် Salinas Valley ရှိ Corral de Tierra ဒေသကို နောက်ခံထားပြီး အချင်းချင်းဆက်စပ်နေတဲ့ ဝတ္ထုတို (၁၀) ပုဒ် ပါဝင်တယ်။Corral de Tierra စပိန်ဘာသာဖြင့် "အနီရောင်မြေလွှာရှိသော ဒေသ" ဟု အဓိပ္ပာယ်ရတယ်။ ဂျွန်စတိန်းဘတ် ၏ မွေးရပ်မြေ Salinas Valley ၏ လှပတဲ့ ကျေးလက်ဒေသအသွင်ကိုဆောင်ထားတယ်။
ဒီစာအုပ်က Short story cycle ဖြင့် ဖွဲ့စည်းထားတဲ့ စာအုပ်လို့လည်း ပြောလို့ရတယ်။သီးခြားဇာတ်လမ်းများဖြစ်ပေမယ့် တစ်ခုနှင့်တစ်ခု ဆက်နွယ်မှုရှိတယ်။ကောင်းကင်စားကျက်တွင် လူများအတွက် "ဘက်တယ်" လယ်တောခြံက ကျိန်စာသင့်မြေဖြစ်ပြီး၊ ကလေးများအတွက်လည်း တ‌စ္ဆေလည်း ‌ခြောက်တယ်။ ထိုခြံထဲတွင်နေထိုင်သော လူများကလည်းအကြောင်းအမျိုးမျိုးကြောင့် သေကြေပျက်စီးကြရတယ်။"ကောင်းကင်စားကျက်" အမည်တွင်လာခြင်းကတော့ အင်ဒီးယန်းလူမျိုး နှစ်ဆယ်ခန့် ကိုးကွယ်ခိုင်းသည့် ဘာသာကို စွန့်ပစ်ပြီး ထွက်ပြေးကြတာက စတယ်ပြောရမယ်။


တို့ပိုင်တဲ့မြေ (Of Mice and Men) စာအုပ် တွင်အလုပ်သမားနှင့် လူမှုအဆင့်အတန်း ကွာဟမှု၊ လူသားအချင်းချင်း နားလည်မှုလွဲမှားပုံတို့ကို ရှင်းလင်းစွာ ဖော်ပြထားပြန်တယ်။ဇာတ်လမ်းထက် ဇာတ်ကောင်တွေအကြောင်းကို အသားပေးထားတယ်။အေးအေးဆေးဆေး တစိမ့်စိမ့်ဖတ်လို့ရတဲ့ စာအုပ်ပါ။ အမေရိကန် စာပေလောကတွင် ထူးခြားတဲ့စာအုပ်၊ စာပေပညာရှင်များက ဂန္ထဝင်ဝတ္ထုလို့ သတ်မှတ်ခဲ့ကြတယ်။အလုပ်သမားများ၏ မျှော်လင့်ချက်ကင်းမဲ့မှုနှင့် လူမှုရေး ဖယ်ကျဉ်ခံရမှု 'ဂျော့နဲ့လင်နီ' ဆိုတဲ့သူငယ်ချင်းနှစ်ယောက် ဘယ်လိုရင်ဆိုင်ရမလဲဆိုတာ မြင်ရမယ်။မျှော်လင့်ချက်နှင့် ကံဆိုးမိုးမှောင်ကျမှုတို့၏ သင်္ကေတအဖြစ် ရပ်တည်တယ် ပြောရမယ်။ဇာတ်ကောင်များ စကားပြောပုံစံ ၊ အပြုအမူ တို့ဖြင့် ကွဲပြားစွာ ပေါ်လွင်စေတယ်။ ဥပမာ လင်းနီ၏ ကလေးဆန်တဲ့ စကားလုံးရွေးချယ်မှုများကို မြင်သာအောင်ပြထားတယ်။

ပုလဲ (The Pearl) ဝတ္ထု ဒီစာအုပ်က ကျနော်လက်ဝယ်မရှိတော့၊ ပြန်ဝယ်ရမယ့်အထဲပါတယ်ဗျ။ ဒီဝတ္ထုကို နစ်မြုပ်ကြည့်မိရင်လောဘ၏ ဖျက်ဆီးမှုနှင့် လူသား၏ အမှားများကို မြင်ရမယ်။ငြိမ်းချမ်းတဲ့ ဆင်းရဲသားဘဝမှ ကြွယ်ဝမှုဆီသို့ ပြောင်းလဲခြင်း၏ သင်္ကေတ ၊ ဖြစ်ပေါ်လာတဲ့ အကြမ်းဖက်မှု၊ လောဘနှင့် အဆုံးစွန်သော ဆုံးရှုံးမှုများကိုအဓိက ပုံဖော်ထားတယ်။ "လိုချင်မှုသည် ပျက်စီးမှုကို ဖြစ်စေသည်"ဆိုတဲ့ သင်ခန်းစာ စကားလေးအတိုင်း။ကြွယ်ဝမှု၏ သင်္ကေတဖြစ်သလို တစ်ချိန်တည်းမှာပင် လောဘနှင့် ပျက်စီးမှုကိုလည်း ကိုယ်စားပြုထားတယ်။

အပယ်ခံသား (East of Eden) စာအုပ် ၊ဒ